Geguritan

*# LAYANG KANGEN #*

Aku lunga wes suwe

Ninggalake awak mu

Ati iki krasa kangen

Wes numpuk kaya gunung rasane

Apa kowe isih eling karo aku

Apa kowe isih ngenteni aku

Apa kowe ya kangen karo aku

Apa ya kangen mu pada karo aku

Rasa ati pengen ketemu

Naging ya ora bisa

Mung fotomu iki

Kang bisa ngilangi rasa kangen ku

Saka tulisan iki

Sing tak gawe iki

Tak gawe nganggo rasa kangen

Sing tak tibake

Tak tibake nang ukara-ukarane

Saben ukara kuwi mau

Makili rasa kangen sajroning ati

Amrgo aku setyo satuhu karo kowe

Mugi kowe bisa sabar ngenteni aku

Mugi tresnamu ora ilang karo aku

Ya mung liwat tulisan iki                  

Aku bisa ngungkap rasa kangenku

Mugi awak mu pracaya karo aku

Amargo tresna ku ora ilang dipangan wektu

  

Brubah

Saya ajur saya rusak

Ora mung polah nanging uga tuture

Senenge mung padha ngatur

Ora gelem yen padha diatur

Kabeh bisane mung gelut

Ora mikir kanca lan sedulur

Kabeh bakal digawe ajur

Sing penting uripe bisa makmur

Kuciwa

Kuciwa…..

Kuciwa iki saya kerep dirasakake

Kuciwa bab ing katresnan

Apa maneh Kuciwa bab ing janji san saya akeh

Kabeh padha lali

Lali bab ing janji

Lali bab ing kewajiban

Kabeh mung seneng janji

Janji sing mung gawe Kuciwa lan laraning ati

Kuciwa lan Kuciwa maneh

Apa ya bakal terus kayangene

Kuciwa, Kuciwa, lan Kuciwa maneh

Apa ana tambane Kuciwa iki

Yen ana apa tambane…….

PSSI ( J A )

Senenge mung gawe masalah

Senenge mung gawe bubrah

Jare arep ngampungake masalah

Nyatane naming nambah masah

Jare simbah lunga menyang sawah

Jare simbok arep tuku cambah

Jare biyen arep ngrampungake masalah

Nyatane malah tambah akeh masalah

Dhisik siji saiki loro

Dhisik nomer siji saiki nomer loro

Dhisik Pandawa saiki Kurawa

Dhisik bubrah saiki owah

Kabeh ngaku bener

Kabeh padha keminter

Kabeh mentingake awake dhewe

Kabeh diputer

Kabeh diwolak-walik

Sing salah dadi bener

Sing bener dadi salah

Sing pener dadi owah

Sing owah saya owah

Padha rak dhuwe isin

Ngaku bener sanadyan salah

Ngomong iya nyatane ora

Ngaku ngayomi nyatane nyidrani

-* KANG  E *

Kang E… kang E

Rupamu ganteng kaya arjuna

Lakumu gagah kaya bima

Sifatmu apek kaya kresna

Neng mau kuwi ora aslimu

Kuwi mau yeng kowe nang ngarepe kancamu

Yen nang burine kancamu

Rupa lan sifatmu malih total

Rupamu malih kaya rahwana

Sifatmu malih kaya sengkuni

Senenganmu kuwi

Adu – adu kancamu dhewe

Kok pikir kancamu kuwi kewan

Lha kok tega tenan kowe

Kancamu dhewe kok adu

Apa kancamu kuwi kewan aduan

Kang E… kang E

Apa maneh yeng kowe weruh wong wedhok

Walah… walah

San saya ora karuwan

Rupa lan sifatmu bisa maleh maneh

Rupa lan sifatmu dadi kaya yuyukangkang

Yen weruh wong wedhok jur arep kok kangkangi

Rak perduli kuwi duwene sapa

Bojone kancamu dhewe wae arep kok pangan

Apa maneh wong wedhok liyane

Apa sifatmu kuwi ora bisa ilang

Apa ya arep kayangana terus

Sifatmu kaya kuwi apa yai arep kok lakoni terus

Sing eling to kang.. kang

Nganti tuwa apa yang arep ngana

Kang E… kang E